កម្លាំងនគរបាលខណ្ឌដូនពេញ ចេញបង្ក្រាបក្រុមចោរប្លន់ម៉ូតូប្រើដាវសាំម៉ូរ៉ៃ
26-April-2016 | ដោយ មែន កំសត់
ភ្នំពេញ៖ លោក ហួត ចាន់យ៉ារ៉ាន់ អធិការនគរបាលខណ្ឌដូនពេញ បានថ្លែងឲ្យថា នៅវេលាម៉ោង១១យប់ថ្ងៃទី២៥ ខែមេសា ឆ្នាំ២០១៦ កម្លាំងប៉ុស្តិ៍រដ្ឋបាលនគរបាលចតុមុខ បានសហការជាមួយកម្លាំង នគរបាលព្រហ្មទណ្ឌកំរិតស្រាលបានដេញ បង្ក្រាបក្រុមចោរប្លន់ប្រើដាវសាំម៉ូរ៉ៃ ចំនួន២នាក់ ក្នុងចំណោម៣នាក់ ខណ:ដែលពួកគេកំពុងគំរាម កាប់ជនរងគ្រោះម្នាក់ប៉ងប្លន់យកម៉ូតូ។
ករណីគំរាមកាប់ប្លន់យកម៉ូតូនេះ បានកើតឡើងនៅត្រង់ចំណុចផ្លូវសុរាម្រឹត មុខមេបញ្ជាការដ្ឋានកងរាជអាវុធហត្ថ ខណ្ឌដូនពេញ សង្កាត់ចតុមុខ ខណ្ឌដូនពេញ។
លោក ហួត ចាន់យ៉ារ៉ាន់ បានបញ្ជាក់ថា ករណីនេះបានបង្កឡើងដោយ ជនសង្ស័យមួយក្រុមមានគ្នាបីនាក់ ជិះម៉ូតូពីរគ្រឿងដែលមួយគ្រឿងម៉ាក Dream C110 ពណ៍ខ្មៅពាក់ស្លាកលេខ ភ្នំពេញ 1BZ-4867 ជិះគ្នាពីរនាក់ប្រដាប់ដោយដាវចំនួនមួយ (ឃាត់ខ្លួន) និងបក្ខពួកម្នាក់ទៀតជិះម៉ូតូម៉ាក Nex ពណ៍ផ្កាឈូក ពាក់ផ្លាកលេខ ភ្នំពេញ 1CV- 5025 (គេចខ្លួនបាត់) បានប្រើកាំបិតគំរាមកាប់ប្លន់ យកម៉ូតូមួយគ្រឿង ម៉ាក Suzuki Let's ពាក់ផ្លាកលេខភ្នំពេញ 1CN-9465 ពីជនរងគ្រោះជិះគ្នាបីនាក់ (ប្រុសទាំងបី)។
បច្ចុប្បន្នជនសង្ស័យចំនួន២នាក់ បានឃាត់ខ្លួនធ្វើការសាកសួរ នៅអធិការដ្ឋាននគរបាលខណ្ឌដូនពេញ ដើម្បីកសាងសំនុំរឿងបញ្ជូនទៅតុលាការ៕
ចំនួនអ្នកទស្សនា
- ថ្ងៃនេះ1001
- ម្សិលមិញ20231
- សប្តាហ៍នេះ80081
- ខែនេះ101961
- ឆ្នាំនេះ101961
- សរុប20544417